BAO LA NICKLAS BENDTNER LAZUA MAMBO

Nicklas  Bendtner

MSHAMBULIAJI   WA  Arsenal   Nicklas  Bendtner  Jumatano  usiku  wiki  iliyopita  alifunga  bao  maridadi  la  kwanza  la  kuongoza  la  Arsenal  katika  pambano  dhidi  ya  Hull  City  na  kuendelea  kuiweka  kileleni  timu  yake  hiyo  ambayo  imekuwa  ikimsugulisha  benchi.

Bendtner  alivaa  jezi  ya  Arsenal  na  kuanza   mechi  kwa  mara  ya  kwanza  ikiwa  zimepita  siku 1,005  tangu  alipoanza  mechi  yake  ya  mwisho  Emirates  kabla  ya  kutimka  kwa  mkopo  katika  klabu  za  Sunderland  na   Juventus.

Alibakizwa  na  kocha  wa  Arsenal , Arsene  Wenger  katika  siku  ya  mwisho  ya  uhamisho  wa  wachezaji  England  baada  ya  kocha  uyo  Mfaransa  kumkosa  mshambuliaji  wa  Chelsea, Demba  Ba  al;iyekuwa  anatarajia  kutimka  kwa  mkopo  klabuni  hapo.

Hilo  lilikuwa  bao  lake  la  kwanza  tangu  alipo fanya  hivyo  Machi  2011  huku  akikosa  mabao  ya  wazi  katika  pambano  la  kombe la  Ligi  dhidi  ya  West   Brom.

Hata  hivyo, bao  hilo  limezua  kasheshe  kubwa  katika  mitandao  ya  kijamii  baada  ya  watu  wengi  kuanza  kumkejeli  kutokana  na  kukaa  miaka  mingi  bila  ya  kufunga.

Mtu  wa  kwanza  kumkejeli  Bendtner  alikuwa  mshambuliaji  wa  zamani  wa  Tottenham  na  timu  ya  taifa   ya  England, Gary  Lineker.  Huyu  aliandika  katika  akaunti  yake  ya  Twitter  akisema  “   Baadhi  ya  washambuliaji  mahiri  Ligi  Kuu  England  wanafunga  mabao  leo. Suarez, Aguero  na  Bendtner “

Alifanya  hivi  wakati  akijua  wazi  kwamba  kwa  sasa, Bendtner  hachukuliwi  kama  mshambuliaji  hatari  katika  Ligu  Kuu England, achilia  mbali  ukweli  kwamba  hafikii  kabisa  katika  anga  za  Luis  Suarez  na  Sergio  Aguero.

Shabiki  mwingine  wa  soka  aliyejulikana  kama  Nooruddean  akitumia  akaunti  yenye  jina  la  @ BeardedGenius  alitumia  ujumbe   akisema  “ Chamakh  amefunga  jana, Bendtner  amefunga  leo, kesho  ni  mwisho  wa  dunia  “

Alikuwa  akimaanisha  bao  lililofungwa   na  mshambuliaji  wa  Crystal  Palace, Maroune  Chamakh, Jumanne  usiku  katika  pambano  dhidi  ya  West  Ham, huku  pia  akilikejeli  bao  la Bendtner  dhidi  ya   Hull City.

Mtandao  wa  kituo  cha  BBC  cha  Uingereza   nao  uliandika  ukweli  ambao  ulionekana  kama  kejeli. Wao  waliandika “ Nicklas  Bendtner  amefunga  mabao  mengi  mwezi  huu  kuliko  Christiano  Ronaldo, Lionel  Messsi, Franck Ribbery  na  Robin  Van  Persie  ukiwajumlisha  pamoja  ‘

Ni  kweli  kwamba  mastaa  wote  hao  hawajafunga  bao  lolote  tangu  mwezi  huu  wa  Desemba  uanze  kutokana  na  kuwa  majeruhi, lakini  ujumbe  huu  ulitumwa  kama  kejeli  kwa  Bendtner.

Shabiki  aliyefahamika  kwa  jina  la  Rich  B  naye  alituma  ujumbe  ulio  kuwa  na  lengo  la  kumkejeli  Bendtner. Yeye  aliandika  akidai  “ Bendtner  amefunga  bao  dhidi  ya  Hull. Suarez  hakuweza  kuwafunga. Kwa  hiyo  Bendtner  ni  bora  kuliko  Suarez ‘

Shabiki  mwingine  aliye  itwa  Christa  naye  alitoa  kali  ya  mwaka  baada  ya  kutuma  ujumbe  katika  mtandao  wake  wa  Twitter  akionesha  kumkejeli  mshambuliaji  huyo  wa  kimataifa  wa  Denmark.

Christa  alisikika  akisema :

“  Nimeamka  leo  asubuhi  katika  dunia  ambayo  Nicklas  Bendtner  amefunga  bao. Na  ndio  maana  upepo  unavuma  kwa  kasi  sana, nadhani  ulimwengu  umetingishika  vibaya  sana”

Wakati  Christa   akiwa  ametoa  kejeli  hiyo, shabiki  mwingine  wa  Arsenal  aliyetambulika  kwa  jina  la  Faisal  alituma  ujumbe  wa  kejeli  ambayo  uliashiria  kuwa  Bendtner  alikuwa  anastahili  kuwa  mwanasoka  bora  wa  dunia.

“ Jina  Bendtner  huwa  linaanza  na  herufi B na  huwa  linaishia  na  herufi  R,  hii  ni  kama   ilivyo  jina la  BALLON  D’OR, aliandika  Faisal  kwa  kejeli  kubwa.

Shabiki  mmoja  aliyejulikana  kwa  jina  la  Ken  alikwenda  mbali  zaidi  baada  ya  kumlinganisha  Bendtner  na  mastaa  wa  zamani  wa  Arsenal, Dennis  Bergkamp  na  Thiery  HENRY.

“ Bergkamp  kisha  Henry…na  sasa  Bendtner !”

Ameonyesha   jinsi  alivyo  bora  katika  kufunga  pindi  anaporudi  uwanjani  kwa  namna  ya  kushindana  na  wakongwe  hawa “

Faraja  pekee  ambayo  Bendtner  ameipata  ni  kutoka  katika  kauli  ya  nahodha   wake, Mikel  Arteta  ambaye  alisema  staa  huyo  mwenye  majigambo  bado  ni  mchezaji  muhimu  katika  kusaka  ubingwa  wa  England.

“ Hicho  ndicho  tunacho  taka. Wachezaji  waliopo  kikosini  wanaweza  kuchangia  timu  kupata  mafanikio. Kila  mtu  ni  muhimu. Tunamuhitaji  kila  mmoja  kama  tunataka  kushinda  kitu. Nadhani  ni  kitu  kizuri. “ Bado  ni  mchezaji  wa  Arsenal  na  wakati  akiwa  hapa  atatoa  asilimia  100  ya  nguvu  zake. Hatafikiria  tofauti  au  kufanya  tofauti” alisema  Arteta.

CHANZO :  GAZETI  LA  MWANASPOTI, TOLEO  Na. 1440, Desemba  9, 2013.